Remata a obra de reconstrución da Ponte da Ribeira, en Samarugo

A nova infraestrutura tivo un custo de 47.000 euros e está pensada para asegurar o paso nunha zona declarada como inundable

O tenente de alcalde Modesto Renda anunciou hoxe o remate dos traballos de reconstrución integral da Ponte da Ribeira, na parroquia de Samarugo.

A nova infraestrutura tivo un custo de 47.000 euros e está pensada para asegurar o paso nunha zona, a da Ribeira, declarada como inundable pola Confederación Hidrográfica do Miño Sil.
Tal e como explicou Renda, a actuación preveu o aumento de máis de 50 cm da súa capacidade orixinal, o que permitirá que a nova ponte soporte moito máis caudal en beneficio das parcelas e as vivendas da contorna.

Financiada con cargo ao Plan Único 2024, esta nova actuación municipal supón un paso máis na aposta do Concello de Vilalba pola renovación das infraestruturas das parroquias.