Remata en Castro de Rei o primeiro Certame de Teatro Afeccionado
En conmemoración do 50 aniversario da creación do grupo teatral Os Baluros celebrou en Castro de Rei o primeiro Certame de Teatro Afeccionado que remata mañá. As representacións tiveron lugar os sábados ás 20:30 no centro cultural Xosé Manuel Carballo.
O certame deu comenzo o sábado 30 de xullo coa representación de A análise de sangue e Vivir dignamente no rural a cargo de grupo de teatro Abrente. As representacións continuaron en agosto con Sainetes do grupo de teatro Quemaisten, O Randiña do grupo O Torques e o 20 de agosto con El crédito a cargo do grupo Remocicarte.
Para clausurar o certame o grupo Os Baluros representará mañá, 27 de agosto, a obra O menciñeiro á forza. En todas as representacións a entrada será libre ata completar o aforo.
O longo de todo o certame o centro cultural Xose Manuel Carballo copntou tamén coa exposición de debuxo e fotografía Instantes dos autores Carmen Cabaneiro e Juanjo de la Comba. Toda a recadación da mesma destinarase a Asociación Asistencial Protectora de Animais de Foz.
