Rematan as obras da balsa de Vián na Pastoriza
TerraChaXa
O Concello da Pastoriza rematou as obras de construción dunha balsa contraincendios e servizos gandeiros na parroquia de Vián.
16 Abr 2022
O Concello da Pastoriza rematou as obras de construción dunha balsa contraincendios e servizos gandeiros na parroquia de Vián.
Trátase dunha obra moi esperada e demandada pola veciñanza que conta con 23.400 euros de orzamento a cargo do Plan Único da Deputación provincial.
Esta infraestrutura súmase ás de Miñotelo (Aguarda) e Bretoña, que foron construídas o ano pasado.
Trátase dunha balsa de grandes proporcións que ten a dobre finalidade de utilizarse como depósito de auga para o servizo de protección contra incendios e tamén para usos gandeiros, xa que se pode utilizar para alimentar ao gando nos tempos de seca.
Así mesmo, o persoal municipal encargouse tamén do arranxo da pista de acceso a esta balsa.