Rematan as obras no vial de acceso a Fontechousa, en Distriz
Remataron os traballos de pavimentación, conservación e limpeza de noiros no vial que da acceso ao núcleo de Fontechousa, na parroquia de Distriz.
Para realizar a actuación, utilizouse un aglomerado de 2,5 centímetros de espesor, un material que non se pode utilizar en todos os camiños do rural pero que era apto para este vial.
En concreto, as obras foron no tramo que comunica a estrada provincial LU-P-6511 con distintas vivendas no núcleo de Fontechousa e remata na estrada municipal codificada 065_034. Trátase dun dos camiños máis utilizados da parroquia de Distriz, cun percorrido lonxitudinal de 1.305 metros e un ancho de 3,70 metros.
Estas obras forman parte do acordo de investimentos nas parroquias acadado por Vilalba Aberta co Goberno local.