Rematan en Friol as primeiras Olimpíadas Rurais de Galicia
![olimpiadas-rurais-friol1](https://terrachaxa.com/wp-content/uploads/2024/07/olimpiadas-rurais-friol1.jpg)
Friol clausurou este domingo as súas Olimpíadas Rurais, que ao final conseguiron un gran éxito de participación durante as tres xornadas que duraron.
O equipo gañador desta primeira edición foi Juais Team, sendo o segundo Transjalaicos e o terceiro Lamalexos.
Finalmente as sesións de probas contaron con numeroso público que se achegou a Friol para ver disputar as diferentes probas celebradas, como os zancos, os tiradores, o lanzamento de lastra, a carreira de sacos, o garrote, dacabalo, a cucaña, os mizos, as cintas, a corda, a carretilla, a sillita da raíña, a corda ou os lazos.
A inspiración para crear estas primeiras Olimpíadas Rurais de Galicia xorde das primeiras olimpíadas rurais que se celebraron en España: as dos Pedroches (Estraña, Córdoba), que desde hai 14 anos congregan cada verán a 48 equipos de todo o sur para competir nunhas Olimpíadas que recuperan os xogos tradicionais dos pobos.
![](https://terrachaxa.com/wp-content/uploads/2024/07/olimpiadas-rurais-friol2.jpg)
Ademais das probas deportivas, esta primeira edición contou con outras actividades paralelas como actuacións musicais e experiencias gastronómicas.
O alcalde, José Ángel Santos agradeceu a todos os participantes que formaron cada equipo, "sen dúbida, a parte de ser valentes e competitivos, deron un exemplo de compañeirismo, compadreo e amizade. Moitas grazas aos veciños e veciñas de Friol pola boa acollida, implicación e apoio, para que este proxecto fose unha realidade."
Tamén tivo palabras de agradecemento para o Colectivo Hércules, na figura do seu presidente, Tor López, a todos os xuíces, aos speakers, ao promotor mediático Sacho-selfie, a todos os expositores e aos traballadores do Concello.
"E por último dar as grazas a Xunta de Galicia, concretamente a Consellería de Medio Rural que a través da Agader financia conxuntamente con Turismo o 100% estas Olimpíadas Rurais, especialmente agradecer o apoio incondicional da Conselleira María José Gómez".
Na entrega de premios anunciouse tamén que o próximo ano volverán as Olimpíadas Rurais e volverá ser Friol o punto de encontra para a nova cita.