Rematan os campamentos en Vilalba cunha festa da escuma
![campamento vilalba2](https://terrachaxa.com/wp-content/uploads/2023/08/campamento-vilalba2.jpg)
A alcaldesa de Vilalba, Elba Veleiro, e a concelleira de Educación, Infancia e Xuventude, Paula Vigo, entregaron os diplomas aos participantes dos campamentos de verán municipais. A rapazada puido gozar dunha festa de clausura destas actividades, que incluíron un tobogán de auga e a festa da espuma.
As representantes municipais entregaron a cada rapaz un diploma, ademais dun agasallo que incluía unha gorra e unha orla conmemorativa.
Os campamentos de verán do Concelllo de Vilalba acolleron á rapazada entre 5 e 12 anos en diferentes quendas, ao longo dos meses de xullo e agosto. “Para nós, a conciliación familiar é unha prioridade de Goberno, que garantimos con medidas como estes campamentos na época estival, sinala a alcaldesa de Vilalba.
Pola súa banda, a edil de Educación, Infancia e Xuventude, recalcou que estes campamentos “reforzan a convivencia entre a rapazada, fomentando valores como a solidariedade, o traballo en equipo, o esforzo ou o contacto co medio ambiente, combinando actividades educativas e lúdicas”.
![festa da escuma vilalba festas campamento](https://terrachaxa.com/wp-content/uploads/thumbs/2023/08/festa-da-escuma-vilalba-festas-campamento-200x104.jpg)