Repiten en Cospeito un taller de memoria con sesións en Muimenta e A Feira do Monte

Estes terán lugar os martes, de 16:30 a 18:30 horas na casa da cultura de Muimenta e os xoves de 16:30 a 18:30 horas na casa da cultura da capitalidade

O Concello de Cospeito inicia un taller de memoria e saúde dirixido ás persoas maiores do concello, programados a partir deste mes e novembro.

Estes terán lugar os martes, de 16:30 a 18:30 horas na casa da cultura de Muimenta e darán comezo o día 12. Tamén haberá os xoves de 16:30 a 18:30 horas na casa da cultura de Feira do Monte. A data de inicio neste caso é o 14.

Durante estes talleres traballarase na estimulación da memoria, o desenvolvemento emocional, a relaxación e a psicomotricidade e o uso de novas tecnoloxías, como o uso de móbiles e WhatsApp. Contarán tamén un apartado de animación á lectura.