Representación de 'A croa dos chairos' en Castro Ribeiras de Lea
TerraChaXa | LugoXa
A casa da cultura de Castro Ribeiras de Lea acollerá a representación da obra A croa dos chairos, a cargo da Escola de Teatro Castro de Rei.
![teatro a croa dos chairos castro de rei portada](https://terrachaxa.com/wp-content/uploads/2022/07/teatro-a-croa-dos-chairos-castro-de-rei-portada.jpg)
7 Mar 2023
A casa da cultura de Castro Ribeiras de Lea acollerá de novo a representación da obra A croa dos chairos, que estará ao cargo da Escola Municipal de Teatro Castro de Rei.
A representación terá lugar este sábado 11 de marzo a partir das 20.30 horas. Trátase dunha obra de Guillermo Cancelo.
A Croa dos Chairos é unha comedia sobre a historia do pobo Chairo que habita na Croa de Viladonga. Segundo relata a sinopse da obra, é o ano 34 e os Chairos viven á marxe da expansión do cristianismo e dos cambios que acontecen por toda Europa, mesmo en lugares tan pretos deles como é a cidade de Lucus Augusti… O enfrontamento entre pobos e culturas é inevitable.
![a croa dos chairos castro](https://terrachaxa.com/wp-content/uploads/thumbs/2023/03/a-croa-dos-chairos-castro-200x282.jpg)