Reunión na Pastoriza do programa Xuntos pola compostaxe
![xuntos pola compostaxe portada](https://terrachaxa.com/wp-content/uploads/2021/03/xuntos-pola-compostaxe-portada.jpg)
A casa do Concello da Pastoriza acollerá o próximo luns, 29 de marzo, ás 17.00 horas, unha acción formativa e a entrega de material do proxecto Xuntos pola compostaxe que promoven de forma conxunta os concellos de Pol, A Pontenova, A Pastoriza, Meira, Ribeira de Piquín e Riotorto.
O obxectivo do programa é reducir a fracción orgánica dos residuos.
O proxecto está pensado para a participación de preto de 1.000 veciños, repartidos entre os 6 concellos, que recibirán de forma gratuíta os correspondentes medios materiais para a elaboración de compost, ao mesmo tempo que recibirán formación na materia e asesoramento continuado durante o proceso.
Para participar pídese como único requisito dispor dun espazo de horta ou xardín de 50 metros cadrados e comprometerse a facer un uso responsable do composteiro.
![xuntos pola compostaxe pastoriza](https://terrachaxa.com/wp-content/uploads/thumbs/2021/03/xuntos-pola-compostaxe-pastoriza-200x264.jpg)