Actualidade

A candidatura independente Agrupación de electores por Ribadeo, que ten o lema Ribadeo Nos Une, presentouse ante os medios de comunicación nun acto no que se deron a coñecer seis membros da lista, que encabeza Ramón Acuña González. A continuación irán Antonio de Vicente Fernández Fernández, Mari Carmen Villagarcía Río, Perfecto Rodríguez González, Lourdes Prada Herrera e Naroa Penedo Rodríguez.
Ramon Acuña González é diseñador Industrial xubilado da multinacional ALCOA. Foi concelleiro do Concello de Ribadeo, deputado provincial e delegado da Deputación de Lugo en Patrimonio Histórico Artístico de Galicia.
Antonio de Vicente Fernández Fernández é avogado, foi funcionario de Facenda, formou parte do primeiro goberno democrático de Aragón e do equipo negociador para a entrada de España na Comunidade Europea. É experto en comercio exterior e profesor en diferentes organizacións nacionais e internacionais: Instituto de Empresa, EOI, Fundación Incyde, etc. Ten dúas medallas (distincións) de Isabel a católica.
Mari Carmen Villagarcía Río desenvolve a súa actividade laboral no sector servizos, como traballadora en establecementos comerciais do municipio.
Perfecto Rodríguez González é licenciado en Ciencias Económicas e Empresariais. Traballou no sector privado ata o ano 1998, cando ingresou no SERGAS.
Lourdes Prada Herrera é licenciada en Ciencias Empresariais pola Universidade de Deusto. Durante máis de 25 anos impartió clases de matemáticas a alumnos de diferentes bachilleratos e universidades. É directora de Cáritas Ribadeo.
Naroa Penedo Rodríguez estudou Barbaría e Estética, profesión que exerceu e actualmente rexenta un negocio de tecidos.
Abriu a presentación Antonio de Vicente Fernández, quen explicou: "estamos aquí por unha razón, porque hai moitas cousas en Ribadeo que se poden mellorar, completar e facer. Cando imos a outros pobos a min dáme certa envexa e pregúntome: e en Ribadeo por que non. É un sentimento e en base a el xente que pensamos igual. Así naceu esta agrupación de electores, que se caracteriza basicamente porque somos cada un de distintas orixes e de distintas ideoloxías. Cónstame que moitos dos aquí presentes somos votantes de distintos grupos nas eleccións xerais, pero o que nos une ao 100 por 100 é que todos pensamos o mesmo sobre o proxecto para Ribadeo. Polo tanto a primeira característica é que non ten unha ideoloxía determinada, só temos afán de servizo e de intentar facer as cousas segundo parécenos a nós. Disto derívase que non imos en contra de ninguén. Estamos cansadísimos de oír que un partido vai en contra doutro, que un gobernante critica a outro. Nós non imos absolutamente en contra de ninguén senón a favor de todos os que fagan algo positivo. Tratamos de mellorar o que hai, non de poñer pedras nin paus nas rodas a ninguén. Non temos ese sentido negativo ou de autodefensa que poden ter outras candidaturas que se presenten, porque non temos que defendernos de nada e ademais estamos orgullosos de todo o que se fixo ben por Ribadeo. Sencillamente creemos que hai cousas que se poden facer de xeito distinto e mellor. Polo tanto non temos adversarios políticos".
Antonio Fernández engadiu que esta agrupación de electores considera que "o pobo non debe seguir as directivas do Concello, senón que o Concello debe seguir os desexos do pobo posto que administra os seus diñeiros e tamén as súas ilusións e os seus anhelos. Polo tanto estamos facendo un labor para decatarnos do que queren os veciños e incorporalo ao noso programa para que a xente séntase representada por nós e que ademais do que nós pensamos e vemos a diario haxa outros ollos e outras sensibilidades que poden ver outras cousas. Estamos dispostos a incorporar ideas e ata persoas. Trátase de facelo ben para Ribadeo, non de nada máis".
Ramón Acuña destacou ademais que "o diálogo entre institucións é importantísimo, non pode haber un permanente desprestixio entre entidades como o Concello, a Deputación e a Xunta, porque si as cousas non se engrasan ben, ao final chirrían e acaban rompendo. E por iso necesítanse unhas persoas que sexan dialogantes, que non sexan arrogantes. Moita xente coñecerame por outras actividades que hei ir desenvolvendo na vida, como a axuda ás persoas con discapacidad ou no labor que neste momento estou realizando como presidente do Real Club Náutico de Ribadeo e creo que a través disto púidose ver que o espírito que a min me guía é de colaboración, de limpeza, de xerar recursos, de que as cousas cadren e estean claras. Creemos que non é bo que nas institucións se apalanquen as persoas e non dean paso a nova savia. Unha das nosas máximas é que unha persoa que vai a un cargo con 8 anos é suficiente, 4 para encauzar e outros 4 para resolver".
O cabeza de lista tamén enfatizou en que "non imos ao Concello a facer política, senón a facer xestión. Centrarémonos na loita polo beneficio dos nosos veciños, evitando en todo momento os temas partidistas, as loitas internas que se xeran sempre nos partidos. E ao ter as mans libres a xestión que nós podemos desenvolver vai ser moito máis importante que estar todos os días mirándonos ao ombligo a ver que posibilidades temos no partido que nos toca estar para poder seguir escalando peldaños".