Riotorto acolle a proxección do filme 'A Esmorga'

Terá lugar o venres 9 de agosto, ás 20.00 horas, na escola da Órrea

Cartel

O Club de Lectura Avelino Díaz, en colaboración coa Asociación Cultural Avelino Díaz, acolle a proxección da película A Esmorga de Ignacio Vilar, ademais dun coloquio co director.

Terá lugar o venres 9 de agosto, ás 20.00 horas, na escola da Órrea.

Crónica tensa e intensa de 24 horas na vida de tres compañeiros de esmorga que van deixando un reguero de destrución, de sexo equívoco e reprimido, e tamén pechando portas tras tirar as chaves, coma se de maneira deliberada buscasen a perdición.