Riotorto acolle este venres a entrega de premios do VIII Certame de Debuxo e Poesía Avelino Díaz
Este venres 20 de xuño, ás 19:00 horas, terá lugar no Centro Sociocultural Avelino Díaz de Riotorto a entrega de premios do VIII Certame de Debuxo e Poesía Avelino Díaz, un concurso que busca promover a creatividade e o amor pola literatura e as artes plásticas entre os máis novos.
O xurado, presidido por Xosé Otero Canto, e integrado tamén por Manuel Fernández Vázquez, María Airado Otero e o secretario Eloi Treitas Foxaca, valorou numerosos traballos presentados nas distintas categorías.
Na Categoría A (3 a 8 anos, debuxo), a gañadora foi Sabela Pérez González, de 7 anos, do CEIP de Riotorto, coa obra “O pozo das linguas”. O segundo premio recaeu en Fiz Silvosa García, de 6 anos, do CEIP Plurilingüe Poeta Avelino Díaz, pola obra “A infancia de Avelino na Órrea”, e o terceiro en Assia Rezkaoui, tamén de 6 anos, do CEIP de Riotorto, con “O prado do arco da vella”.
Na Categoría B (9 a 12 anos, poesía), o primeiro premio foi para Carolina Marqués Barcia, de 12 anos, do CEIP de Riotorto, pola obra “O alzheimer”. O segundo, para Rafael Andrés Escobar Galindo, de 11 anos, do mesmo centro, con “Ucraína”, e o terceiro para Alexandra López Álvarez, do CEIP Plurilingüe Poeta Avelino Díaz, por “Os avós para a vida”.
Na Categoría C (13 a 17 anos, poesía), resultou gañadora Carme Pereira Troncoso, de 15 anos, do Colexio A Inmaculada Maristas de Lugo, coa obra “Un gris colorido”. O segundo premio foi para Paula Prieto Rego, de 13 anos, do IES Pedregal de Irimia (Meira), por “A familia”, e o terceiro para Nasser Boola Edoifi, tamén do mesmo instituto, coa obra “O cabalo e o galo”.
O acto de entrega será aberto ao público e contará coa presenza dos premiados, familiares, membros da comunidade educativa e representantes do xurado.