Riotorto contará con campamento de verán en agosto
TerraChaXa | AMariñaXa
O Concello de Riotorto organiza de novo este ano un campamento de verán para rapaces con actividades, excursións e máis sorpresas.
![campamento veran riotorto portada](https://terrachaxa.com/wp-content/uploads/2023/07/campamento-veran-riotorto-portada.jpg)
17 Xul 2023
O Concello de Riotorto organiza de novo este ano un campamento de verán para rapaces. Esta actividade inclúe obradoiros, excursións, xincanas, búsqueda do tesouro e máis sorpresas.
Será entre os días 31 de xullo e 5 de agosto en horario de 10 a 14 horas e está dirixido a nenos de 3 a 14 anos. As inscricións poden facerse na Casa do Concello antes do venres 28 de xullo ata completar as plazas dispoñibles. O prezo por neno empadroado no Concello é de 30 euros e de 50 euros para os non empadroados.
![campamento veran riotorto](https://terrachaxa.com/wp-content/uploads/thumbs/2023/07/campamento-veran-riotorto-200x282.jpg)