Riotorto contará este ano coa Cabalgata de Reis o día 5

Unha vez rematada a cabalgata servirase un chocolate con roscón de reis no centro sociocultural totalmente gratuíto

O Concello de Riotorto organizará un ano máis a Cabalgata de Reis, que terá lugar o domingo 5.

Esta arrincará da casa da cultura ás 20.00 horas percorrendo as principais rúas da vila e con chegada ao salón de actos ás 20.30 horas.

Neste lugar está prevista a actuación do coro e o grupo de gaitas de Riotorto. Os Reis Magos terán un agasallo para todos os nenos.

Unha vez rematada a cabalgata servirase un chocolate con roscón de reis no centro sociocultural totalmente gratuíto.

Os interesados en colaborar coa Cabalgata poden facelo no teléfono 982 346 222.