Riotorto organiza unha viaxe a Xuvenlugo para o día 28
TerraChaXa | AMariñaXa
O Concello de Riotorto organiza unha viaxe para nenos e nenas ao espazo infantil Xuvenlugo no Nadal prevista para o mércores 28.
![xuvenlugo](https://terrachaxa.com/wp-content/uploads/2021/12/xuvenlugo.jpg)
xuvenlugo
19 Dec 2022
Un ano máis, o Concello de Riotorto organiza unha viaxe para nenos e nenas ao espazo infantil Xuvenlugo no Nadal prevista para o mércores 28 de decembro con saída do colexio ás 15.30 horas.
As actividades diríxense a rapaces e rapazas de entre 3 e 16 anos e terán que ir acompañados dun adulto.
Os interesados e interesadas poden contactar co Concello para inscribirse e coñecer máis detalles antes do 25 de decembro. O prezo da viaxe é de 10 euros por persoa para os acompañantes xa que os pequenos irán gratis e terán merenda. O horario de apertura de Xuvenlugo é de 16.30 a 21.00 horas.