Sambreixo inicia cunha liscada as festas patronais o venres

Contará coa actuación do cantante valenciano Vicente Seguí, gañador da terceira edición do programa Operación Triunfo, o sábado pola noite

A localidade de Sambreixo, en Guitiriz, celebra esta fin de semana as súas festas patronais na honra a San Remigio, que darán comezo o venres, as 21.00 horas, co reparto de liscos, chourizos e pan de balde entre a veciñanza.

Esta cea estará amenizada pola actuación de Arizona e de Ángel América en sesión verbena.

O sábado o programa contará con Super Top, que fará dobre sesión e pola noite, ás 0.30 horas, actuará o cantante valenciano Vicente Seguí, gañador da terceira edición do programa Operación Triunfo.

O domingo só haberá sesión vermú, na que actuarán Verónica Cambón e Macarena, de La Voz Kids.