San Martiño de Lamas celebra as súas festas patronais esta fin de semana

A orquestra Salsarena fará a sesión vermú do sábado e tamén será a protagonista da verbena nocturna, acompañada do solista Carlos Mariano

San Martiño de Lamas, no concello de Cospeito, prepara as súas festas patronais para os días 24 e 25 de maio cun programa que combina tradición relixiosa e animación musical para todos os públicos.

O sábado 24 de maio, a celebración comezará ás 13:30 horas cunha misa solemne. A continuación terá lugar a sesión vermú a cargo da orquestra Salsarena, que tamén será a protagonista da verbena nocturna, acompañada do solista Carlos Mariano.

O domingo 25 de maio, a festa continuará ás 13:45 horas cunha nova misa solemne, seguida dunha procesión acompañada polos Gaiteiros da Ponte da Pedra. Despois da cerimonia relixiosa, o dúo Son de Festa será o encargado de amenizar a sesión vermú, poñendo o punto final a unha fin de semana de celebración.