Sanidade amplía aforos na hostalaría e rebaixa restricións
O comité de seguimento da covid decidiu un novo cambio no mapa de restricións, así como nos aforos da hostalería e o lecer nocturno.
No relativo ao mapa de restricións, Lugo, Viveiro, Burela, Foz, Chantada, Ribadeo, Xove e Outeiro de Rei abandonan o nivel alto, no que se atopa Rábade polo que o sistema de alerta, que está establecido en 4 niveis, queda do seguinte xeito:
- En alerta máxima: ningún.
- En alerta alta: Rábade.
- No nivel medio: Outeiro de Rei, Chantada, Lugo, Mondoñedo, Monforte de Lemos, Sarria, Monterroso, Barreiros, Ribadeo e Viveiro.
- No nivel baixo: o resto de concellos.
Na hostalería no nivel máximo mantense pechado o interior e as terrazas estarán ao 50%. No nivel alto o interior mantense en 30% e nas terrazas amplíase ao 75%. No nivel medio mantense o interior ao 50% e as terrazas amplíanse ao 100%. No nivel baixo amplíase ao 75% en interior e mantense ao 100% nas terrazas.
En canto ao lecer nocturno, no nivel máximo mantense pechado o interior e as terrazas ao 75%. No nivel alto mantense o interior pechado e as terrazas ao 75%. No nivel medio sitúase a 50% o interior e o 75% nas terrazas. No nivel baixo está ao 50% o interior e ao 100% en terrazas.
Os cambios entran en vigor o sábado.