Sanidade multa a Rábade e Aqualia polo estado da auga
![estado auga Rabade](https://terrachaxa.com/wp-content/uploads/2021/02/estado-auga-Rabade.jpg)
A Consellería de Sanidade decidiu finalmente sancionar á Concello de Rábade con 33.055 polo estado da auga durante o mes de xuño do ano pasado. A mesma cantidade foi imposta tamén á empresa concesionaria do servizo de auga, Aqualia.
Esta multa vén de ser a consencuencia da denuncia interposta por un grupo de veciños de Rábade no ano 2019. Tras varias denuncias e protestas finalmente conseguiron a atención do contencioso administrativo de Lugo que fallou ao seu favor e condeou á Consellería de Sanidade a incoar un expediente sancionar contra o Concello de Rábade e Aqualia.
Segundo explicaron os veciños en varias ocasións, a auga da traída ten serios problemas de turbidez derivados das crecidas do Miño. As probas presentadas polos veciños levaron ao xuzgado a esta sentenza que obriga a abrir un expediente sancionador no prazo dun mes contra o Concello de Rábade por unha infracción en materia de saúde pública.
A maxistrada critica a actitude da Consellería de Sanidade durante o incidente de xuño, que archivou a denuncia veciñal e deixou pasar o incidente cun requerimento ao alcalde para que solucionase o problema.
Naqueles dous días, os veciños realizaran análises da auga e descubriron partículas fecais, resultados que foron presentados como problema ante o xulgado. Advertiron que o Concello non deu aviso da situación de turbidez aos veciños incumprindo os protocolos establecidos.
Pola súa banda, o alcalde de Rábade, Francisco Fernández Montes, recoñeceu as limitacións dos sistema de abastecemento pero indicou que a calidade da auga está garantizada porque se fixeron melloras nos depósitos de acumulación de auga e do sistema de filtración. Afirma que nos últimos doce meses só houbo un problema de turbidez da auga.
Achaca tamén a situación a que o servizo de traída de auga é moi antigo e hai momentos puntuais nos que non e suficiente.