Santaballa acolle o 15 a Feira do Indiano
Un ano máis, a parroquia vilalbesa de Santaballa celebrará a Feira do Indiano, que chega xa á súa VIII edición e que levará o título Xornadas sobre Migacións Indianas, unha festa que ten o obxectivo de lembrar a través dunha serie de actos aos emigrantes do século pasado.
A programación prevista para esta xornada terá o seu inicio sobre as 12.30 horas coa presentacicón dos actos e a inauguración das exposicións etnográficas e fotográficas, como vestimentas eclesiásticas, antes do partido de fútbol da categoría veteranos que enfrontará ao Santaballa de Arriba co Santaballa de Abaixo.
O dúo D'Ases será o encargado de poñer a primeira pinga de música á xornada coa interpretación dunha serie de pezas en sesión vemú e antes do xantar popular.
Este será servido por Rochela e contará cun menú en base a xamón cocido, polbo, carne asada, postre, bebidas, café e chupito, todo por un prezo de 22 euros. Os nenos de entre 7 e 12 anos pagarán a metade e será gratuíta para os máis pequenos.
Antes do remate do xantar, sobre as 16.00 horas, están previstos os pasarrúas a cargo das charangas Santa Compaña e Entre lusco e fusco e do espetáculo Cé Orquestra Pantasma.
A tarde, tras o apartado musical, estará adicado aos xogos infantís, que estarán a acrgo de Puzzle Animación, que realizarán diferentes talleres. Apara os adultos haberá postos de venda, demostracións de artesáns, xogos tradicionais, cabezudos, obradoiros de traballos antigos, música tradicional, visitas guiadas, gravacións audiovisuais e exposicións vinculadas cos comezos do séculos XX.
O espectáculo nocturno dará comezo cunha queimada popular, un "espectáculo terrorífico", tal e como afirma a organización do festexo, e que está programada para as 20.30 horas. A continuación, haberá foliada a cargo do dúo D'Ases.
O prazo para participar como expositor aínda está aberto para todos os artesáns, postos de venda e persoas que desexen asistir. Por outra banda, os que desexen participar no xantar poden reservar o seu sitio nos teléfonos 637 029 775 ou no 652 790 220.
O deputado de Turismo, Eduardo Vidal Baamonde e o presidente da Liga Santaballesa, Isidro Cillero, presentaron na Casa Habanera de Santaballa as VIII Xornadas sobre Migracións Indianas- Feiras Indianas. O Goberno da Deputación é o principal impulsor deste cita, xa que colabora coa Asociación Amigos da Liga Santaballesa cunha achega de 2.000 euros, e tamén a través do CENTRAD cunha demostración de olaría, unha actividade enmarcada no Programa de Promoción da Artesanía.
Vidal Baamonde remarcou que “esta nova edición convertese nunha cita sinalada no calendario para os veciñas e veciñas de Vilalba, xa que é a parroquia de Santaballa engalánase para voltar a principios do s.XX, e revivir aquela época das migracións.
