Sotavento volve convocar o concurso de fotografía
Un ano máis, o parque eólico de Sotavento ten convocado o seu Certame Renovable de Fotografía, que xa vai pola súa undécima edición e que este ano volve ter un único premio en metálico de 400 euros.
As fotografías deben ter como temática principal o Parque Eólico Experimental Sotavento e poderán enviarse por correo electrónico ata o 31 de maio de 2023 á dirección info-divulgacion@sotaventogalicia.com.
Non existe límite de idade para os participantes e permítese un máximo de tres fotografías por autor valorando a creatividade, o enfoque do tema proposto e a calidade fotográfica en función da idade.
As imaxes deben presentarse en formato .jpg ou .png e non poden pesar máis de catro megas.
O fallo do xurado está previsto para o mes de xuño e farase público a través das redes sociais e a web de Sotavento.
