Suspenden as Xornadas de montaña do Xistral polo brote da Mariña
![Captura de pantalla 2020 06 26 a las 12.22.30](https://terrachaxa.com/wp-content/uploads/2020/06/Captura-de-pantalla-2020-06-26-a-las-12.22.30.png)
O Concello de Muras e Marmar Outdoor, organizadores das I Xornadas de montaña e aventura no Xistral acordaron a suspensión temporal do evento, previsto para a fin de semana do 18 e 19 de xullo, debido á crise sanitaria que vive a Mariña.
A organización cre que "agora mesmo e malia todas as medidas tomadas para estas xornadas, sería un risco innecesario levalas a cabo tal e como está a situación de rebrote".
Sobre posibles datas futuras, afirman que "non queremos facer conxeturas, e preferimos agardar ata que a situación de normalidade volva e se faga estable durante un tempo".
Ademais, o Concello de Muras, tamén debido ao brote detectado nas últimas semanas, decidiu suspender todas as actividades que se levan a cabo no termo municipal, así como manter pechadas as instalacións públicas.
![105488510_2689171264653470_5319450146243993075_o](https://terrachaxa.com/wp-content/uploads/thumbs/2020/06/105488510_2689171264653470_5319450146243993075_o-200x282.jpg)