Támoa prepárase para celebrar as Festas na honra á Virxe dos Desamparados do 18 ao 20 de abril
A parroquia de Támoa, no concello de Cospeito, xa ten todo listo para celebrar as tradicionais festas na honra á Virxe dos Desamparados, que terán lugar os días 18, 19 e 20 de abril de 2025, cun completo programa de actividades para todas as idades.
A celebración arrancará o venres 18 cunha churrascada gratuíta para todos os veciños, seguida dunha animada verbena a cargo do grupo Zona Zero.
O sábado 19, a xornada comezará cunha procesión e sesión vermú ás 13:30 horas, amenizada pola orquestra Los Españoles, que tamén será a protagonista da verbena nocturna xunto ao Dúo Venus, garantindo unha noite de festa e baile.
O domingo 20, os actos relixiosos centrarán a atención, coa misa ás 13:30 horas, seguida da tradicional procesión e dunha nova sesión vermú co grupo JB Son, que porá o broche final a tres días de celebración.
As festas contarán cun campo cuberto con carpa, asegurando así o bo desenvolvemento dos actos, independentemente das condicións meteorolóxicas.