Teatro de comedia este sábado en Reigosa

Con entrada de balde

O grupo teatral O Centiño porá en escea este sábado, 14 de setembro, a obra A morte morrida, unha comedia para todos os públicos.

A actuación está organizada pola Asociación de Veciños de Reigosa con entrada de balde.

Crispín vén de xubilarse no banco e, ao non ter nada que facer, deprímese. A súa muller, Benilde, ten que soportar o seu desánimo. Debido a isto, Crispín pensa que vai morrer e organiza o seu enterro e ninguén pode convencelo do contrario.