Todo preparado para celebrar o domingo en Vilalba o San Xoán
A Asociación Cultural de Veciños do Campo de San Xoán celebrará, un ano máis, as festas na honra do seu patrón, este domingo, 23 de xuño.
Estas darán comezo ás 12,00 cun obradoiro de retratos a cargo de Isabel Pardo. Pola tarde haberá máis actividades culturais, como un obradoiro clown, con Stephanie Cubides, ás 17.00 horas, e unha representación de Curuxán, ás 19.00. A obra é Impro.
A actuación previa sorpresa ao tradicional acendido do lume de San Xoán, ás 21.15 horas na praza de Santa María estará a cargo de Airiños de Orbazai. Ademais, a Escola Municipal de Teatro encargarse da fogueira, na praza de San Xoán, ás 23.30.
Pasada a medianoite terá lugar o concerto de Buxos Verdes, en primeiro lugar e despois de Feral Booty. Rematarán cunha sesión de DJ.
A asociación lembra que os obradoiros son gratuítos pero haberá que reservar praza no 691 771 636.
