Tres bronces para a loita vilalbesa no torneo de Gijón
Un grupo de loitadores vilalbeses participou esta fin de semana no Torneo Villa de Gijón formando parte da Selección Galega, que acadou o bronce por equipos.
Na categoría o Club de Loita de Vilalba estivo representado por Bruno Pintos, Aldán Balbona e Héctor Somoza en menos de 45 kg, categoría na que este último se fixo co bronce. Tamén contou con Enrique Seoane en menos de 60 kg, que tamén ocupou o terceiro posto.
Na categoría escolar participou Boris Reshetniak, que tamén acadou o bronce en menos de 57 kg. A participación dos deportistas vilalbeses foi moi meritoria ao loitar todos eles nunha categoría de idade superior á súa, malia que a diferenza de idade foi evidente, todos eles fixeron unha gran actuación, incluso subiron ao podio.
Ao equipo vilalbés acompañouno Arkadi Ilemetov, recoñecido e condecorado adestrador ucraniano que chegou a Vilalba coa súa familia como refuxiados da guerra e que se atopa colaborando coa escola vilalbesa. Ilemetov ten 30 anos de experiencia como adestrador profesional en Ucrania e ademáis de contar con varias deportistas medallistas europeas foi campión do Mundo de Veteranos no 2019.
