Ultiman a organización da Moexmu 2025 con representantes da Deputación

A Vicepresidencia colaborará un ano máis na organización con demostracións de artesanía, a actuación de Leña Verde e os galardóns

O deputado do Rural, Daniel García, e a deputada de Cultura, Iria Castro, reuníronse con representantes da comisión da Moexmu para compartir os últimos detalles da organización da feira agrogandeira que se celebra os días 4,5 e 6 de abril.

A Vicepresidencia da Deputación de Lugo colaborará un ano máis na organización con demostracións de artesanía, a actuación de Leña Verde e galardóns para as gandeiras e gandeiros que resulten premiados nos certames da feira.

Os responsables provinciais ratificaron a organización da feira, "que a veciñanza de Muimenta converteu nun emblema do sector agrogandeiro na provincia".