Un equipo da Axencia Europa visita a Granxa Gayoso Castro
A Granxa Gayoso Castro, xestionada pola Deputación de Lugo, recibiu este mércores a visita dun equipo de avaliadores da Asociación Europea de Establecementos de Formación Veterinaria (EAEVE). A súa visita forma parte do proceso de avaliación da Facultade de Veterinaria do Campus de Lugo da Universidade de Santiago de Compostela, co obxectivo de renovar o selo europeo de calidade que recoñece os centros que cumpren os estándares de formación veterinaria.
Na súa visita, os avaliadores coñeceron da man da directora do centro, Sonia Verdes, as instalacións e funcionamento da Granxa Experimental de Leite, unha parte esencial para a formación práctica dos estudantes de Veterinaria. Ademais, a directora presentou o proxecto da granxa de porco celta que a Deputación creará no recinto. A colaboración entre a Deputación e a USC é fundamental para acadar a renovación deste selo, que permitirá que os titulados poidan exercer a súa profesión en calquera país da Unión Europea.