Unha actuación animará a última feira do mes en Castro de Rei
![actuacion musica tradicional feira castro](https://terrachaxa.com/wp-content/uploads/2023/07/actuacion-musica-tradicional-feira-castro.jpg)
A última feira do mes en Castro de Rei, que coincide o día 30, será unha feira diferente xa que contará cunha actuación dentro do programa Tradigalu, organizado pola Vicepresidencia da Deputación.
Así, desde as 11.30 horas haberá ruada e música tradicional a cargo de Toleaches pola peneira desde o CEIP Ramón Falcón ata o campo da feira.
Ao finalizar a feira haberá un sorteo de 120 euros en vales de compra da promoción Compra en Castro de Rei no Campo da Feira.
PAGO DA COTAS
Ademais o colectivo Amigos da Feira, organizador destes eventos, lembra que o último domingo de feira de cada mes de 13:00 a 14:00 están no local da asocación ubicado no Campo da Feira de Castro de Rei para o pago de cotas, a recollida de carnés e a realización de novas inscricións
A cota anual para o 2023 mantense en 12 euros por persoa. En cumprimento cos estatutos, para manter a condición de socia/o no 2023 cobraranse as cotas atrasadas do 2022.
O pago poderá efectuarse en efectivo no acto ou realizando unha transferencia ou ingreso á conta da Asociación Amigos da Feira na Caixa Rural Galega