Unha fotografía da ruta do Batán de Folgoso e outra dunha campá gañan o II Concurso #xermadeenfotos
![Sendeiro natural Ruta do Batán de Folgoso](https://terrachaxa.com/wp-content/uploads/2017/09/Sendeiro-natural-Ruta-do-Batán-de-Folgoso.jpg)
A fotografía do sendeiro natural "Ruta do Batán de Folgoso" fíxose co primeiro premio do xurado do II Concurso de Fotografía Dixital Xermade en Fotos por diante de "Harmonía de espíritu".
O premio do público recae na "campá ao solpor" e "elenco de soños".
III Concurso de Fotografía Dixital - O outono en Xermade
O Concello de Xermade, a través da concellería de Xuventude e Educación, convoca un novo concurso de fotografía dixital co obxectivo de dar a coñecer os atractivos do concello e que reflicta as múltiples sensacións que se poden ter neste municipio.
As fotografías deben amosar os recursos patrimoniais do municipio (naturais e paisaxísticos, agrogandeiros, industriais, arquitectónicos, etnográficos, arqueolóxicos, gastronómicos, etc.) dun xeito atractivo e de gran calidade técnica e artística.
Nesta ocasión, as fotografías teñen que ser actuais, desta época do ano, o outono.
Cada persoa participante poderá presentar un máximo de catro fotografías. A duración do concurso estenderase dende o 26 de setembro ata o 21 de decembro. As bases do concurso atópanse no portal www.xermadeenfotos.org -onde tamén se poden subir as fotografías do concurso-. A ligazón tamén está dispoñible na páxina web do Concello de Xermade: www.xermade.org.