Unha universidade de Portugal estuda a Granxa Gayoso Castro
![universidade de portugal conece a granxa gayoso castro](https://terrachaxa.com/wp-content/uploads/2021/11/universidade-de-portugal-conece-a-granxa-gayoso-castro.jpg)
A deputada de Réxime Interior, Promoción do Territorio e Turismo, Pilar García Porto, e o deputado de Recursos Sostibles, Roberto Fernández Rico, participaron este luns na visita institucional que realizaron á Graxa Gayoso Castro da Deputación de Lugo unha delegación de representantes da Universidade de Trás-os-Montes e Alto Douro, de Portugal. Os asistentes coñeceron as instalacións e o funcionamento da Granxa Experimental de Leite, un centro pioneiro en Galicia que combina formación e investigación universitarias, e na que este curso farán prácticas máis de 500 alumnos do Campus Terra grazas á colaboración entre a Universidade de Santiago de Compostela (USC) e a institución provincial.
O centro universitario luso estivo representado polo reitor, Emidio Gomes, o vicerreitor de Innovación, Joao Barroso, e a pro-vicerreitora de Parcerías e Internacionalización, Cristina Saraiva. Tamén estiveron presentes o reitor da USC, Antonio López Díaz, a vicerreitora de Coordinación do Campus de Lugo, Montserrat Valcárcel Armesto, e adxunta á Vicerreitoría para Investigación, Transferencia e Innovación, María Elvira López Mosquera.