Unhas 355 persoas participan este domingo na V Carreira Popular de Castro de Rei
![carreira castro de rei](https://terrachaxa.com/wp-content/uploads/2022/12/carreira-castro-de-rei.jpg)
O Concello de Castro de Rei celebrará de novo a V Carreira Popular Concello Castro de Rei. A proba será este domingo 8 de xaneiro, a primeira do ano como é tradicional, e terá saída na Casa do Concello e percorrido por vías da Deputación ata chega á meta no Campo da Feira de Castro Riberas de Lea.
Coa inscrición xa pechada, participarán este ano un total de 355 atletas, dos que 248 o farán na carreira absoluta.
A organización poñerá a disposición dos participantes na proba un servicio de autobuses para trasladar aos deportistas dende o Pavillón municipal de Castro Riberas de Lea ata á saída na Casa do Concello de Castro de Rei.
Haberá unha categoría absoluta cunha distancia de 14,8 quilómetros e despois cinco grupos máis en función da idade que percorrerán dende os 0,15 quilómetros dos pitufos ata os 2 quilómetros dos sub 18. As probas de menores serán na contorna do Campo da Feira de Castro Riberas de Lea.
A carreira absoluta terá a súa saída ás 10.15 horas e as outras cinco probas sairán cada cinco minutos, dende os pequenos ás 12.10 ata os sub 18 ás 12.30.
Haberá trofeo para os tres primeiros clasificados masculinos e femininos da carreira absoluta e para os tres primeiros da cada categoría. En Pitufos darase medalla a todos os participantes pero non haberá trofeos para esta categoría nin se farán clasificacións.
Nas categoría dende promoción ata sub 16-18 darase medalla a todos os participantes, así como trofeo ós tres primeiros. Ademais repartirase un trofeo ao primeiro/a atleta local da carreira de adultos. A entrega de premios será na zona de meta (Carballeira) e comezará, aproximadamente, ás 12.45h.
SERVIZOS
Os participantes gozarán dos seguintes servizos antes, durante e despois da carreira como aparcadoiro gratuíto (ata ocupación das prazas existentes) nas inmediacións do pavillón municipal; baños, vestiarios e duchas no pavillón municipal de Castro Riberas de Lea, a escasos 300 m da liña de meta; roupeiro e un vehículo de transporte ata a liña de meta. Ademais haberá servizo de autobuses, avituallamento de comida e beibadas ao final de cada carreira para todos os participantes e servizo de ambulancia.