Varias parroquias aproveitan o San Xoán para celebrar as súas patronais
Numerosas parroquias da comarca aproveitan a fin de semana para celebrar as súas festas patronais.
ABADIN
Tres localidades están de festa. En Vilarente, estas arrancan cunha churrascada popular a partir das 22.00 horas e a continuación haberá música co dúo Pedriñas.
O sábado continuará a celebración coa tradicional misa e procesión a partir das 13.30 horas. A música estará ca rgo da orquestra Principal, en dobre sesión, e do dúo Dilema, pola noite. O domingo as celebracións chegará á súa finalización coa sesión vermú a cargo do grupo Fénix, que tocará despois da misa, prevista para as 14.00 horas.
En Castromaior serán dous días de festa. O sábado contarán co grupo Ritmo en sesión vermú e verbena e pola noite estará tamén Panamá Band, no seu Pivilegio Tour. O domingo só haberá sesión de mediodía co grupa Alba.
Nos dous días haberá misa con procesión, o sábado ás 13.15 horas e o domingo ás 13.00. A organización lembra que haberá carpa e colchonetas para os máis pequenos.
En Romariz tamén celebran o San Xoán. O sábado haberá misa ás 13.30 horas con procesión para continuar coa sesión vermú co grupo La Rosa, que tamén fará a verbena xunto a Fusión Latina. Este último será o encargado da sesión vermú do domingo, coa que se darán por terminadas as festas.
Haberá misa solemne e procesión os dous días ás 13.30 horas. O campo da festa tamén estará cuberto con carpa.
A PASTORIZA
As localidades pastoricenses de Fitoiro-Afoz e Lagoa celebran esta fin de semana as súas festas. No primeiro caso son na honra a San Adriano e terán o seu inicio o venres 23, ás 22.00 horas, cunha churrascada con fogueira e queimada, que estará amenizada por Verónica Cambón.
O sábado terá lugar a misa solemne ás 13.30 horas para dar paso á procesión e sesión vermú co trío D’Lider. Este mesmo tamén estará na verbena xunto ao dúo Tropical.
O domingo continuarán as celebracións con Tania e o seu acordeón en sesión vermú, despois da misa solemne, que será ás 14.00 horas. O campo estará cuberto con carpa.
En Lagoa as celebración son na honra a San Xoán e contarán coa música de Máster en sesión vermú e verbena o sábado. Durante o descanso da mesma actuará Mago Deimi.
O domingo só haberá sesión vermú, será co dúo Venus. Os dous días haberá misa e procesión. No primeiro caso ás 13.30 horas e no segundo ás 14.00.
A organización lembra que o campo da festa estará cuberto con carpa.
AS PONTES
A Asociación Lembranza da Vila celebra esta noite de San Xoán unha cea e un foleón a partir das 22.00 horas detrás da igrexa. Contará con empanada, sardiñas, churrasco, patatas, liscos, chourizos, sobremesa e queimada. todo isto amenizado por unha actuación musical.
CASTRO DE REI
As localidades de San Xoán de Ribeira de Lea e de Santa Leocadia, en Castro de Rei, estarán de festa esta fin de semana para celebrar o San Xoán.
Na primeira as festas arrancarán o sábado cunha misa solemne e a actuación da orquestra Escaparate en sesión vermú e verbena. Nesta última tamén contarán coa actuación musical dos Festicultores Troupe.
O domingo continuará a festa só ata mediodía. Despois da misa solemne haberá sesión vermú cos Valuros. Ademais, o 15 de xullo está prevista a tradicional comida veciñal, que estará amenizada pola charanga Louband.
En Santa Leocadia as festa serán na honra a San Pedro comezando o sábado coa misa tradicional e a actuación do grupo Paréntesis, que tamén actuará na verbena xunto a Beatriz.
O domingo tamén haberá misa ás 13.30 horas e a procesión contará coa participación da Banda de Gaitas Asubíos da Chaira. Despois, a sesión vermú e a verbena estarán a cargo da orquestra Favorita.
COSPEITO
A parroquia de Sistallo tamén está de festas. Contará co grupo Lecer para animar a sesión vermú e a verbena do sábado e co orquestra Pontevedra para a xornada do domingo, tamén en dobre sesión.
Nos dous casos haberá misa pola mañá con procesión.
OUTEIRO DE REI
As localidades de Silvarrei e San Xoán de Parada tamén están de festa. Hoxe darán comezo as celebracións en Silvarrei cunha churras cada veciñal a partir das 22.00 horas, amenizada pola orquestra La Hora Bruja en sesión verbena.
O sábado haberá misa pola mañá, ás 13.30 horas con procesión e posterior sesión vermú con La Travesía. Esta mesma orquestra encargarase da verbena xunto ao dúo Elixir.
O domingo haberá misa ás 13.30 horas de novo con procesión e coa sesión vermú darase por concluída a festa, que contará con Alma Latina. O campo da festa estará cuberto con carpa.
En San Xoán de Parada as festas serán o sábado e o domingo. Neste primeiro día as celebracións arrancará coa tradicional misa ás 13.30 horas, amenizada polo grupo Axeigo. A sersión vermú estará a cargo do dúo Epo-K, que tamén estará na verbena desde as 20.00 horas xunto ao trío Karma.
O domingo repetirá o oficio relixioso, sen procesión, e a sesión vermú de fin de festa contará co dúo Karamba.
VILALBA
As localidades vilalbesas de Alba e San Lorenzo de Árbol estarán de festa esta fin de semana para celebrar o San Xoán.
Na primeira as festas arrancarán o sábado cunha misa solemne ás 13.30 horas e a actuación da orquestra Los Españoles en sesión vermú e verbena. Nesta última tamén contarán coa actuación do dúo Eclipse.
O domingo continuará a festa. Despois da misa solemne haberá proecesión e sesión vermú co grupo Jaque, que tamén fará a verbena a partir das 22.00 horas.
En San Lorenzo de Árbol o San Xoán festexarase cunha comida veciñal o sábado 24. A misa ás 13.30 horas e a sesión vermú con Cerna de Árbol e o dúo Caramelo servirán de antesala ao xantar, que se fará baixo carpa a base de empanada, xamón cocido, polbo con cachelos, churrasco, postre e café. Este ten un prezo de 30 euros para adultos e de 15 para nenos entre 5 e 10 anos.
Trala comida haberá baile coas mesmas orquestras.
