Veciños de Sancovade organizan un concurso de decoración de Nadal

As tres máis votadas en Facebook irán a unha final na que será un xurado o que elixa.

A asociación de veciños de Santiago de Sancovade organiza un concurso máis con motivo da celebración do Nadal, que se suma ao de postais e a de xerseis.

Este leva por título Ilumina Sancovade e fundaméntase na decoración de Nadal. Así, invitan á veciñanza a decorar fachadas, balcóns ou exterior de edificios, fotografialos e envialos para que se faga unha votación nas redes sociais.

Poden enviarse estas fotos a través de Whatsapp, Messenger de Facebook ou no correo asvsancovade@gmail.com. As fotografías subiranse ás redes sociais o día 23 de decembro e os veciños poderán votar entre ata o 26 de decembro. As tres máis votadas irán a unha final na que será un xurado o que elixa.