Vilalba acolle o I Campus de Porteiros este Nadal
O Concello de Vilalba acollerá o I Campus de Porteiros Álex Santomé - RC Vilalbés, que terá lugar os días 26, 27 e 28 de decembro de 2024. A actividade, dirixida a porteiros nados entre os anos 2006 e 2019, desenvolverase en horario de mañá, de 9:30 a 13:30 horas, no anexo ao campo da Magdalena.
As inscricións estarán abertas ata o 15 de decembro e contan con prazas limitadas. Os participantes que formen parte do RC Vilalbés deberán abonar unha cota de 60 euros, mentres que para os non integrantes do club o custo será de 80 euros. A matrícula inclúe un suadoiro e unha camiseta.
Ademais, haberá importantes descontos na compra de luvas da marca SK Sports, con prezos que oscilan entre os 15 e os 40 euros, dependendo do modelo.
Para máis información e inscricións, pódese contactar a través dos teléfonos 646 361 273 (Juan) ou 601 344 210 (Santomé). Este campus conta co apoio da Deputación de Lugo, a Xunta de Galicia e diversas entidades colaboradoras.