Vilalba acolle o sábado unha xuntanza de escolas de rugby
TerraChaXa
Vilalba acollerá este sábado unha xuntanza de escolas de rugby baixo o slogan Rugby no rural, organizada polo Capóns Vilalba Rugby Club.
![xuntanza escolas rugby rural portada](https://terrachaxa.com/wp-content/uploads/2021/11/xuntanza-escolas-rugby-rural-portada.jpg)
26 Nov 2021
Vilalba acollerá este sábado, unha xuntanza de escolas de rugby baixo o slogan Rugby no rural, evento organizado polo Capóns Vilalba Rugby Club, de recente fundación.
O obxectivo desta xuntanza é dar a coñecer este deporte entre os veciños de Vilalba, onde se está a implantar como actividade extraescolar este ano.
Así, está prevista a participación de 70 pequenos de entre 5 e 12 anos pertencentes aos clubs máis destacados da provincia, como son o BeOne de Ribadeo, o Asterix de Viveiro, o Landrús de Sarria ademais dos veciños Sumi XV e o Fendetestas das Pontes.
Esta sesión está dirixida aos rapaces das categorías M6, M8, M10 e M12 e concentraranse no campo anexo do Estadio Madalena
![xuntanza escolas rural vilalba](https://terrachaxa.com/wp-content/uploads/thumbs/2021/11/xuntanza-escolas-rural-vilalba-200x283.jpg)