Vilalba contará cun punto de actualización de documentos para renovar o DNI
![dni](https://terrachaxa.com/wp-content/uploads/2022/04/dni.jpg)
O Concello de Vilalba levou hoxe, xoves, a pleno unha proposta de acordo para a instalación dun Punto de Actualización de Documentos (PAD).
O PAD estará nas instalacións da Casa do Concello e permitirá aos veciños e veciñas renovar o DNI electrónico, que ten unha validez de dous anos e ata o de agora hai que desprazarse á oficina da Policía Nacional en Lugo para poder facelo.
“Desta forma, melloramos os servizos para os vilalbeses e vilalbesas, que poderán realizar trámites de forma máis sinxela e rápida e nunha situación moito máis próxima e cómoda para todos”, sostén a alcaldesa, Marta Rouco.
A instalación deste punto de actualización deriva dunha reunión mantida o pasado 15 de maio pola alcaldesa de Vilalba coa Policía Nacional de Lugo.
Ademais, os veciños e veciñas disporán no concello do asesoramento necesario en caso de dúbidas ou consultas.
Vilalba xa conta co servizo de DNI rural, que permite renovar o DNI na Casa do Concello e que funciona un día ao mes, menos xullo e agosto.