Vilalba continúa cos bailes no Centro Cultural este domingo 8

A cita, que terá lugar a partir das 17.00 horas, estará amenizada polo dúo Mar Dávila

Presentaron unha nova cita cos bailes mensuais de primeiros de mes, que o Concello celebrará este domingo, 8 de xuño, no Centro Cultural.

“Cremos que este tipo de eventos son fundamentais para dinamizar o noso municipio e para brindarlle ás persoas máis maiores unha oportunidade de socializar, pasar unha tarde divertida e manterse activos”, explicou a rexedora vilalbesa, Marta Rouco.

Neta ocasión, o baile estará amenizado polo dúo Mar Dávila e se desenvolverá tamén desde as 17:00 horas ata as 20:00. Ademais, haberá un novo sorteo gratuíto, e nesta ocasión serán tres medias pezas de queixo.