Vilalba desfrutará do concerto Voces da Chaira
![Captura de pantalla 2019 10 17 a las 12.51.15](https://terrachaxa.com/wp-content/uploads/2019/10/Captura-de-pantalla-2019-10-17-a-las-12.51.15.png)
O 15 de decembro o Concello de Vilalba prepara o concerto Voces da Chaira que será no auditorio municipal ás 20 horas.
A Coral Voces da Chaira dará o seu primeiro concerto interpretando un repertorio composto por músicas tradicionais, actuais ou grandes zarzuelas e óperas.
Na primeira parte do concerto poderase desfrutar das obras Pavane pour une infante defunte, Granada, Adiós lucero de mis noches, No llores por mi Argentina, Sementeira e Camariñas.
Na segunda serán La boda de Luis Alonso, La leyenda del beso, Nabucco, La del soto del parral, La rosa del azafrán co coro de espigadoras e outra versión coa canción do sembrador, e La verbena de la paloma, unha habanera e unha seguidilla.
Actualmente está composta por 70 voces mixtas divididas en catro cordas procedentes de tres corais da comarca da Terra Chá, Coral Luar de Vilalba, Coral Polifónica Vilalbesa e Coral Municipal Virxe do Monte de Cospeito, dirixida por José Miguel Díaz Coira.
Este conxunto de músicos xúntanse baixo a batuta de José Miguel Díaz Coira, o director, e están acompañados de Néstor Xesús González e Aurelio Fernández, ambos os dous pianistas.
A entrada é balde ata completar aforo.
![73163059_2455805034662886_5752196317384278016_o](https://terrachaxa.com/wp-content/uploads/thumbs/2019/10/73163059_2455805034662886_5752196317384278016_o-200x150.jpg)