Vilalba entregou os premios ao deporte
![84215024_2582826811936640_9196414240829734912_o](https://terrachaxa.com/wp-content/uploads/2020/01/84215024_2582826811936640_9196414240829734912_o.jpg)
O auditorio Carmen Estévez acolleu este sábado a IV Gala do Deporte Municipal de Vilalba, un evento conducido polo xornalista Iván García Calaza e animado polo humorista Pepo Suevos e no que se recoñeceron os éxitos de 2019. O premio máis destacado foi o de mellor deportista, que recaeu na ximnasta Tania Gayoso.
No resto de categorías foi premiado Fernando Pico, da especialidade de taekwondo, como mellor deportista promesa e Uxía Rodríguez, do mesmo club, á traxectoria deportiva. O representante do Jansu Senén Viveiro fíxose co de mellor deportista con discapacidade.
Non faltaron tampouco os premios para a loita olímpica, co título ao mellor adestrador para Pablo Pintos, e o de mellor equipo para o seu conxunto júnior, campión galego e subcampión de España en 2019.
O premio á mellor entidade deportiva foi para a Escola de Movemento e para o Rácing Vilalbés polo seu labor coa canteira con 16
equipos en competición.
Tamén tivo o seu recoñecemento o Club de Pádel Vilalba polo seu traballo no III Torneo de San Ramón. O premio ao mellor labor comunicativo foi para a xornalista Marta Mancebo.
Así mesmo, entregáronse os premios económicos que todos os ano dá o Concello e que este ano corresponderon a Uxía Rodríguez, Yobanni García, Ramón Mosteiro, Oussama Lahnin, Fernando Pico e Sara Basanta. As mencións especiais foron para Iván Sangiao, Belén Bouza, Marta Felpeto, Juan José Pereira (a título póstumo) e Vicente Celeiro, que tamén foi o padriño do evento.
![83542679_2582825911936730_6500041580651479040_o](https://terrachaxa.com/wp-content/uploads/thumbs/2020/01/83542679_2582825911936730_6500041580651479040_o-200x150.jpg)