Vilalba felicita os 102 anos dunha veciña de Lanzós

A alcaldesa de Vilalba, Marta Rouco, visitouna na súa casa para felicitala persoalmente, acompañada polo concelleiro Luis Fernández

Josefa Piñeiro, veciña de Lanzós, está de celebración ao cumprir 102 anos. Con motivo deste acontecemento, a alcaldesa de Vilalba, Marta Rouco, visitouna na súa casa para felicitala persoalmente, acompañada polo concelleiro Luis Fernández.

Durante a visita, destacouse a extraordinaria vitalidade de Josefa, que segue sendo un exemplo de fortaleza e enerxía para toda a comunidade.

Esta visita forma parte nunha iniciativa municipal para poñer en valor os centenarios da localidade, aos que se fai un agasallo especial polo seu aniversario.