Vilalba mellorará a contorna do Camiño Norte ao seu paso polo polígono
![72326117_138448147550769_480201885135929344_o](https://terrachaxa.com/wp-content/uploads/2019/10/72326117_138448147550769_480201885135929344_o-1.jpg)
O Concello de Vilalba está a acondicionar o percorrido do Camiño Norte polo polígono indutrial, así, esta primeira actuación será para mellorar paisaxísticamente o Camiño ao seu paso por Vilalba.
Nesta zona, á beira da rotonda da N-634, no acceso do centro urbano por Campo de Ponte e a LU-861, será a primeira actuación, que contempla unha zona de uso peonil. Neste lugar, o Camiño Norte pasa preto da parte posterior das naves e dun espazo usado como aparcamento e onde se recolle a instalación dun espazo verde.
Este proxecto, que xa se mandou a Xunta de Galicia, contempla a creación dun espazo verde con bloques de pedra e árbores.
O orzamento para este traballo ascende a 19.858,02 euros.
A solución baséase na disposición dun elemento diáfano pétreo combinado con material vexetal. Co gallo de mitigar o moi negativo impacto que iso xera no Camiño proponse a súa delimitación mediante perpiaños dereitos fincado no terreo, dispostos cada 2 metros e intercalados con elementos vexetais a modo de setos con arbustos tipo Photinias.
![72540849_2951189641561322_5099567154764709888_o](https://terrachaxa.com/wp-content/uploads/thumbs/2019/10/72540849_2951189641561322_5099567154764709888_o-e1571303391607-200x47.jpg)
![72326117_138448147550769_480201885135929344_o](https://terrachaxa.com/wp-content/uploads/thumbs/2019/10/72326117_138448147550769_480201885135929344_o-e1571303681942-200x310.jpg)