Vilalba recupera o "cine de verán" con catro proxeccións esta semana na Praza de Santa María

As sesións de proxeccións cinematográficas, con asentos que se instalarán na propia praza, desenvolveranse do luns 21 ao xoves 24 de agosto a partir das dez menos cuarto da noite tras un cambio de horario debido a "motivos de luminosidade".
O primeiro filme que se proxectará será ‘El libro de la selva’, dirixido a tódolos públicos, para deixar paso a ‘El puente de los espías’, protagonizada por Tom Hanks e non recomendada para menores de 12 anos. De novo para tódalas idades se ofrecerá unha sesión o mércores 23 con ‘Zootrópolis’ para pechar coa nomeada a catro premios Óscar ‘La habitación’ pola que Brie Larson gañaba o Globo de Ouro como mellor actriz. Neste caso tampouco é recomendada para menores de 12 anos.