Vilalba será a sede da fase final do Campionato Galego de F8 este sábado
Vilalba coroará aos campións galegos de Fútbol 8. Concretamente, o estadio da Madalena acollerá este próximo sábado 24 de maio a fase final do Campionato Galego de Fútbol 8 unha vez celebradas, a pasada fin de semana, as Fases Intermedias en Carballo (Zona Norte) e Xinzo de Limia (Zona Sur).
Un total de 12 aspirantes, catro en cada unha das tres categorías (prebenxamín, benxamín e alevín) optan ao trono autonómico. Así, o calendario e os horarios tanto das semifinais como das finais e da loita polo terceiro e cuarto postos se iniciaran coas semifinais ás 11.00, 12.00 e 13.00, comenzando por prebenxamín, benxamín e alevín. Pola tarde sucederanse á vez a final e o partido polo terceiro posto, na mesma orde, pero ás 15.30. 16.30 e 17.3 horas.
Ningún dos equipos da provincia de Lugo logrou clasificarse para esta fase final.
Este mércores levouse a cabo a presentación oficial do evento en Vilalba coa presenza da alcaldesa da localidade e a concelleira de Deportes, Marta Rouco e Paula Vigo, o vicepresidente da Real Federación Galega de Fútbol, Carlos Méndez, o delegado Manuel Castro Vilachá e o presidente do Rácing Club Vilalbés, Juan José Vázquez.
