Vilarente, en Abadín, prepara a celebración do Entroido para o día 14
Vilarente, en Abadín, celebrará o Entroido o vindeiro 14 de febreiro cunha xornada festiva pensada para todos os públicos, que terá lugar nun campo cuberto con carpa e calefacción para garantir o confort das persoas asistentes.
A programación dará comezo ás 13.00 horas cunha sesión vermú amenizada pola música de Lucía Nieto. Xa ás 15.00 horas celebrarase o xantar popular, cun cocido completo que incluirá sopa de cocido, prato principal, sobremesa, café, licores e bebida, elaborado por Chao de Brea.
O Entroido de Vilarente contará tamén con premios para os mellores disfraces, ademais de sorteos, baile, cea e outras sorpresas ao longo da xornada, converténdose nunha cita destacada do calendario festivo da comarca.
O prezo do menú será de 35 euros para persoas adultas, gratuíto para menores de 5 anos e de 15 euros para nenos e nenas de entre 5 e 12 anos. As persoas interesadas en participar deberán anotarse antes do 7 de febreiro con Miguel (667 495 455), Lucía (627 725 544), Marcos (669 227 163) e Silvia (666 314 053).
A festa está organizada pola Asociación de Veciños San Xoán de Vilarente e conta coa colaboración do Concello de Abadín. Para realizar as reservas pódese contactar con Miguel, Lucía, Marcos ou Silvia nos teléfonos habilitados pola organización.