Volve este sábado a feira da Pastoriza
TerraChaXa
Despois do parón debido á pandemia, a asociación de comerciantes e empresarios da Pastoriza retoma este sábado a súa feira mensual.
30 Abr 2021
Despois do parón debido á pandemia do coronavirus, a asociación de comerciantes e empresarios da Pastoriza retoma este sábado a celebración da súa feira mensual, que ten lugar o primeiro sábado de cada mes.
Así, este día 1 volverá celebrarse a Feira. Haberá comercio de calzado, roupa, produtos para o campo, churrería, peixe fresco, etc, ademais de polbo para comer alí ou para levar para a casa.
A organización lembra que en todo momento deberán cumprirse as normas sanitarias.
