Volve na Ponte de decembro unha nova edición do concurso de tapas de Muimenta
![tapasmuimenta](https://terrachaxa.com/wp-content/uploads/2018/11/tapasmuimenta.jpg)
A xunta directiva da Asociación de Empresarios de Muimenta, a cal engloba a gandeiros, profesionais e autónomos da parroquia, volven organizar o Concurso de Tapas en Muimenta. A XVII edición terá lugar o xoves 6, venres 7 e sábado 8 de decembro. O horario será entre as oito da tarde e as doce da noite.
Só haberá unha tapa gañadora, e a xente que acuda a consumir as tapas de Muimenta, terá unha tarxeta de ruta, onde só poderán votar por un dos tres locais participantes, aínda que deberá ter o selo dos tres bares. O gañador, será o que teña máis votos.
Cada tarxeta de ruta cuberta terá dereito a entrar nun sorteo dun vale de 75 euros a consumir nos diferentes socios do colectivo empresarial de Muimenta, nos trinta días seguintes á súa entrega.
Manterán o bus de Autocares Darriba que percorrerá a ruta de tapeo cada media hora.
![46472589_1967214723362280_74382043223425024_o](https://terrachaxa.com/wp-content/uploads/thumbs/2018/11/46472589_1967214723362280_74382043223425024_o-e1542963969908-200x283.jpg)