Volve o Aturuxo de Muimenta cunha gran foliada este sábado

O programa Aturuxo regresa este sábado 28 de maio, coa celebración da Foliada de Muimenta, que terá lugar na igrexa vella.

O programa Aturuxo, organizado pola Asociación Pozo Mouro en colaboración coa Asociación Cultural Aquilino Iglesias Alvariño e Xotramu, regresa este sábado 28 de maio, coa celebración da Foliada de Muimenta, que terá lugar na igrexa vella.

A festa dará comezo ás 19.00 e poderán asistir, cantar, tocar e bailar quen queira. Dentro desta celebración haberá un obradoiro de baiel e a actuación do dúo Pedro Pascual & Germán Díaz. Así mesmo actuará o grupo teatral Pinchacarneiros, así como Asubíos da Chaira.

Este colectivo tivo parada a actividade durante este tempo de pandemia e recupera este sábado as actividades pola porta grande.