Volve o día 5 o concurso de tapas Que Bo Estás Guitiriz
![87864585_2619865361592856_270730922746183680_o](https://terrachaxa.com/wp-content/uploads/2020/03/87864585_2619865361592856_270730922746183680_o.jpg)
Trece hostaleiros de Guitiriz participarán este ano no concurso de tapas Que Bo Estás Guitiriz, que chega á súa oitava edición e que se desenvolverá entre o 5 e o 15 demrzo.
Os locais participantes nesta ocasión serán CIT, Recreo e As Marías en Parga; Merendero, nos Vilares; e La Casilla, Xoldra, Centro, Soa, Nistal, titanic, Gaibor, Korreo e Nimbos en Guitiriz.
Como nas edicións anteriores, os trece locais servirán tapas a un prezo único de dous euros en horario de 20.00 a 23.00 horas todos os días agás as fins de semana cando tamén haberá servizo de mediodía entre as 13.00 e as 15.30 horas.
Para incentivar aos clientes, estes poderán obtar a premios que oscilan entre os 700 e os 50 euros cun estuche de viño incluído.
O concurso volverá ter un fin social, así que os cartos recaudados irán para financiar o Día da Bici, xornada organizada polo club Btteiros Cova da Serpe.
O cartel co que se anuncia esta cita gastronómica foi elaborado por Alba Nimbos e Rebeca Penas pero o resto de carteis que se presentaron ao concurso formarán unha exposición.
![queboestas](https://terrachaxa.com/wp-content/uploads/thumbs/2020/03/queboestas-200x272.jpg)