Xa se poden pedir os permisos para as fogueiras de San Xoán de Xermade

Estas solicitudes deberán presentarse no Concello antes do día 17 de xuño

Fogueira de San Xoán

O Concello de Xermade lembra que xa se poden pedir os permisos para as fogueiras ou cacharelas de San Xoán 2025.

Estas solicitudes deberán pedirse no Concello antes do día 17 de xuño, martes, en horario de 9 a 14.00 horas. Tamén pode facerse telematicamente na sede electrónica do Concello.

Para tramitar os permisos é necesario comunicar os datos da persoa responsable do mesmo, nome e apelidos do solicitante, así como o seu número de DNI, o enderezo de residencia e a localización na que se vai realizar a fogueira.